像有1 pái, 為tioh8 bòai hōu i去電腦桌á ē-kha hia sńg(電線siuⁿ chē) chiah貼ê牛皮紙hōu i咬/lòng kah碎kôu-kôu了後, góa換用紙板, 想講kah紙板khah tēng i khah oh“破壞”, 結果hit暝 i專攻hit-tah, 吵kah pìn-piàng叫, siān講to講bē聽. Góa氣chit8-ē一直āng聲kā罵, koh kā趕出去房間. 了後ka-tī 1 ê人ûn-lioh8-á拆. 拆好想講出去看i tī外口有teh懺悔--無, 結果, 無! I tī外口sńg kah chiok歡喜--ê, 看 i án-ne, góa又koh心狂風火toh8, 繼續kā罵, lí kám知iáⁿ án-chóaⁿ? I soah kek 1 ê beh kap goa冤家sio-phah ê形...... Aih~莫怪niau-á冊寫講lí m7-thang kioh是ka-tī是niau-á ê主人, 事實上是niau-á kā lí當做奴才......
M7-koh khah chiap8是 i hōu góan歡喜koh感覺幸福. Kan-taⁿ tak8工kap i chò-hóe睏, 看 i睏--去, koh看 i精神(雖bóng大部份是góan hōu i吵精神), tō théng好thiòng kui工--a.
今á日góa teh用電腦, i choaⁿ-á phak tī桌á頂, 腳khòe tī keyboard頂kôan, koh tak8不時踏tioh8 power, 害góa ài一直開機. 雖bóng有i tī邊--á teh亂(mh......是sai-nai--lah), khang-khòe做--起-來無siáⁿ效率, m7-koh i若無tī邊--á, 顛倒ē怪怪.
沒有留言:
張貼留言