MIMI

MIMI kap Amôu

MIMI是朋友DJ in飼ê niau-á, 細漢ê時chūn bat tòa tī góan tau (2006年中).
Amôu來ê時, goan tō感覺kap MIMI chiok sêng--ê. Hōan-sè是DJ in知影góan思念MIMI, chiah ē掠Amou hōu góan.
MIMI tńg--去了後, góan過1段時間tō ē去看--i. Koh來khah無閒, 一直到6/1掠Amôu去DJ in tau ê時, chiah koh看tioh8 MIMI.
Chhím看--tioh8 ê時, góa chhoah 1 tiô......nah ē變kah chiah大隻?! 身軀繼續抽長, m7-koh頭無tòe leh大, siōng súi--ê是i ê毛色, 烏kah ē發金! Koh長長ê尾liu, hàiⁿ--leh hàiⁿ--leh......
Hah~ 講tioh8尾liu, hōu góa想tioh8 chìn前DJ in siuⁿ無閒thang陪 i sńg, i choaⁿ-á直直sng ka-tī ê尾liu, 咬kah lóng無毛, bē-su niáu鼠á尾. Ka-chài, chit-kái看tioh8 i, 尾liu ê毛有發--出-來-a.
Amôu破病寄tī in tau ê時, lóng是MIMI teh陪 i sńg koh照顧--i. (MIMI mā是歡喜有chit-ê貓gín-á伴, 因為DJ in厝內ê niau-á lóng siuⁿ老--a, bē堪得kap i sńg siuⁿ久.)

MIMI kap大尾