A-mô͘ Tāu-hoe: 2007-11

2007-11-24

11月日記

[11/1]
Amôu 8月日大.

[11/20]
豆花第2 pái ê「穿心腹膜炎疫苗」.
Amôu 4.4 kg, 豆花4.5 kg. (OMG~)
本底Amôu mā順續chhōa去beh iam, 結果醫生講ài空腹8點鐘, 3點鐘無lim水chiah ē-sái. 無法tōu, tō先抽血檢查, bîn-á-chài chiah koh chhōa--去.

[11/21]
Eng暗8~9點chhōa--去ê時, 醫生講góan siuⁿ òaⁿ去, 麻射ài 1點鐘後chiah ē退(hit-chūn in已經關門--a), koh hit-chūn手術房mā iáu teh無閒. 等1點鐘了chiah輪tioh8 Amôu. Góan thèng-hāu i iam了chiah走. Amôu ài tī病院過暝--a.
Tī hia teh等ê時, Amôu猶原驚kah phī-phī-chhoah, chiâⁿ苦憐.

[11/22]
Amôu無tī--leh, góan今á日lóng睏過頭......
Ē-pou 2點病院開門, góa tō緊去chhōa Amôu tńg--來.
Chit8 tńg到厝, i tō sûi衝去放屎, 結果ke放1條紅線出--來(香火袋á ê線), m7-koh iáu有1 chat tiâu tī內底. Amôu ka-tī看án-ne, tō一直chông, kiám-chhái是看ē-tàng án-ne kā hàiⁿ--出-來-無. Lōu尾iáu是góa替 i giú--出-來. 實在是houNh...... 連ka-tī teh sńg ê soh-á mā食食--loeh.
Kiám-chhái是hông留tī病院, tī hia神經peⁿ siuⁿ ân, Amôu tńg來了lóng無siáⁿ精神, chit-má teh補眠--a. Koh來若beh koh chhōa i去病院, góa看 i是phah死無ài, ka-chài後1 pái去病院是明年ê tāi-chì--a.

[11/23]
豆花7月日大.

2007-11-22

自製貓用暖爐

11/4 hit工, 看tioh8日本節目『寵物當家』內底, 有1隻狗竟然有ka-tī專用ê『暖爐』!
淡水ê寒--人不止á恐怖, Amôu kap Tāuhoe koh是頭1 pái tú--tioh8 (雖bóng chit-má iáu無真寒), 想tioh8 ka-tī來淡水了ê頭1年寒--人, eng暗lóng kiu tī棉chioh被內...... tō一直teh想看beh án-chóaⁿ hōu in 2隻有tàng kiu-sio.
看tioh8節目了後, sûi想tioh8 góan mā ē-sái ka-tī來佈置1 ê『暖爐』── kā thôu-kha phou-phou--leh, 桌á頂koh khàm 1 tè布, tng~tng~tng~tng! Amôu kap Tāuhoe mā有ka-tī ê『貓用暖爐』--a!
Chit-má in siōng ài tī hia睏, chhit-thô, sńg bih-sio-chhōe......

誰是老大

剛來時，2隻大小懸殊
到現在，已經看不出來誰大誰小了

[7/31]

[9/25]

[10/14]

[10/25]

[10/27]

[10/28]

Amôu：「我才是老大！」

2007-11-06

10月日記-2

[10/19]

[10/20]
Amôu點第2 pái ê「穿心腹膜炎疫苗」, 豆花頭1 pái.
Amôu 4 kg, 豆花3.7 kg. (Oah~ Tauhoe ke-siok增肥中, koh bian joa ku to pheng Amou khah tang--a!)
(Au--lai hoat-hian ki-sit e-sai bian chu hiah che i-hong-sia. In 2 chiah ah bo teh chhut-mng--a, chu chiah-e kan-taN si ke khai chiN--e. M-koh to na-chhiuN si-toa-lang tui ka-ti gin-a e kam-cheng, kiaN in an-choaN, hoan-lo in e chhut siaN tai-chi, pian-na u siaN i-hong-sia iah-si siaN mih-a, to long khoan-pian-pian hou in...... Bok-koai lang kong gin-a-chiN siong ho than.)

[10/21]
今á日聚會, 2隻lóng bih kah無看見影. 豆花頭1 pái tú-tioh8 chiah chē人, kiu tī房間m7出--來. Amôu siōng hàm, bih kah góan chhōe lóng無.

[10/23]
豆花6月日大.

[10/25]
透早góan iáu teh睏, m7知toh 1隻tō大扮大扮tī棉chioh被放尿!

[10/27]

In 2 chiah tak-kang to an-ne mouh leh khun! U lang kong goan si ka 2 chiah chu-se chhiau hou ho chiah hip--e, ha~ha~ m-si--lah! In u-iaN long an-ne khun neh!

[10/28]

[10/30]
Jit--si in khun-khun--e, hoat-hian goa teh bo-eng, koh e lun-liu lai kap goa "cho-phoaN" (lai teh loan khah u-iaN). Chit thiau khi-lai toh-a-teng, to an-ne tng--loeh, "kiong-pek goa hioh-khun".

Chit-ma khoaN in phak ti mi-chioh-phoe iah-si chim-thau, goan to chhoah leh tan.... kiaN in koh pang-jio....
Chong--e kong--lai, kui-e 10--goeh to-si se phoe-toaN, phak phoe/chhoe phoe(bo jit-thau e si), koh eng-hu Amou e發情期....
Chit-ma na khun-chheN, phoe long ai chih hou ho-se, siong-ho chim-thau ma tioh "khia--khi-lai", anne in to khah be koh ti teng-koan pang-jio--a.

10月日記-1

[10/1]
Amôu 7月日大.
Amôu khí-chhio, 對豆花做出『發情動作』. Kám講Amôu ê發情期到--a?
Amôu tò-lúi目chui無siáⁿ thíⁿ ē開, kám是 in 2隻koh sńg kah傷--tioh8-a?

[10/4]

[10/5]
Amôu tī便所ê水chô-á放屎! 有影是“放屎hō-jiah”

[10/7]

[10/9]
天氣hiông-hiông冷--a, ē-pou kā棉chioh被hiàⁿ--出-來, 想bē到eng暗豆花tō tī棉chioh被放尿--a!

[10/10]
Amôu koh對豆花做『交配動作』--a. 豆花ām-kún hōu Amôu咬--leh, chiok無奈ê表情.

[10/12]
Amôu tī回收紙ê箱á放尿!

[10/14]
透早Amôu tī棉chioh被放尿!

[10/15]
Amôu tī貓砂邊--á ê『塑膠墊』頂kôan ê報紙放尿!
Eng暗換豆花正lúi目chiu peh bē金!

[10/16]
透早Amôu koh tī棉chioh被放尿--a!
Ē-pou soah換豆花tī góa ê枕頭放尿!
Eng暗9點beh koh kā豆花點目藥水ê時, 發現 i正lúi目chiu kui-ê濁濁, chhōa去看醫生, 醫生講是『角膜(透明部位)水腫』, 若是kō-tioh8 lah-sap-á, 點目藥水tō ē好, 若是免疫系統引起ê問題, tō khah費氣. Cha-hng暗看 i kā 1隻lâ-giâ分屍, hōan-sè是án-ne去kō-tioh8目chiu. 本底醫生beh開藥丸á, m7-koh góa m7-bat飼--過, i choaⁿ-á換注1支射(消腫消炎). 看tioh8豆花去, 另外2 ê醫生mā chhu-óa--來, 一直hàiⁿ頭講豆花ê問題nah ē chiah-nī chē...
豆花3.6 kg.
另外醫生有講2隻貓á ē互相影響, 所以豆花看Amôu發情期烏白放尿, i mā ē toeh leh烏白放.

[10/17]

[10/18]

TGBTS第98期

[本期目錄]
反對iah是反抗 / Tek-hoa
公民社會e力量 / Toa-thau-lian
Chiah人e宗教 / Kaut
Tai-oan-lang Chin Ai ChiN / Gisel
教育e階級壓迫 / Pasuya
空間與認同──太魯閣人認同建構的歷程 / Yawas
移民文化與本體文化的融合 / Lucie
流浪的吉普賽 / Bun-nga
愛台灣基金會~2 / Noya
http://taioanchouhap.myweb.hinet.net/0_TGB.htm

選舉na來na oa, 民進黨koh teh操作「入聯」「討黨產」公投chiah-e議題, m-koh to親像陳水扁ka-ti講--e: 明年選了siaN-mih to be改變. 話講kah chiah-ni明e騙票手段, kian-pai選舉to出現1 pai. 民進黨騙票是為tioh siaN? 看〈反對iah是反抗〉an-choaN分thiah民進黨e本質.
〈公民社會e力量〉ui消費意識反省台灣e公民社會力量.〈Chiah人e宗教〉ui「宗教文化祭」批判到taN iau有e殖民意識洗腦.〈Tai-oan-lang Chin Ai ChiN〉反省台灣人愛chiN e性格kap問題.
延續頂1期e〈家長e危機意識〉, chit期e〈教育e階級壓迫〉反映台灣教育koh-khah基本e問題, ma提出ng望.
〈移民文化與本體文化的融合〉ui法國移民史提供lan面對外國勞工ham「台灣sim-bu/kiaN-sai」 e移民kap人權問題e思想刺激.〈流浪的吉普賽〉提供作者kap朋友e對話kap參加遊行e感想.
2004年中華民國政府認定「太魯閣族」是原住民第12族, m-koh Yawas soah對Truku正名theh出批判, 請看〈空間與認同──太魯閣人認同建構的歷程〉an-choaN講.

選舉愈來愈逼近，民進黨操作的「入聯」「討黨產」公投等議題正熱鬧上演著，然而正如陳水扁自己說的：明年選完後什麼都不會改變。講這麼白的騙票手段，每次選舉都上演一次。民進黨騙票是為了什麼？看〈反對iah是反抗〉如何解析民進黨的本質。
〈公民社會e力量〉從消費意識反省台灣的公民社會力量。〈Chiah人e宗教〉藉由「宗教文化祭」批判至今仍一直存在著的殖民意識洗腦。〈Tai-oan-lang Chin Ai ChiN〉反省台灣人愛錢的性格與問題。
延續上一期的〈家長e危機意識〉，這期的〈教育e階級壓迫〉反映台灣教育的根本問題，也提出想望。
〈移民文化與本體文化的融合〉簡述法國移民史，提供我們面對外籍勞工與「台灣媳婦/女婿」的移民及人權問題的思想刺激。〈流浪的吉普賽〉則提供作者與朋友的對話以及參加遊行的感想。
2004年中華民國政府認定「太魯閣族」為原住民第12族，不過Yawas卻對Truku正名提出批判，請看〈空間與認同──太魯閣人認同建構的歷程〉。

A-mô͘ Tāu-hoe

2007-11-24

11月日記

2007-11-22

自製貓用暖爐

誰是老大

2007-11-06

10月日記-2

10月日記-1

TGBTS第98期

Hō-jiah

Thoah-á

Miau~

Loading...

Chhù-piⁿ-tau

Têng-á-kha