「狗去豬來」是台灣人形容sio連續hōu日本kap中國國民黨統治ê時chhiâng-chāi ē講--tioh8-ê,《台灣人生》chit齣日本人phah hōu日本人看ê記錄片, tī老1輩台灣人受訪者ê話語--nih, lán thang深深感受chit句話後壁ê siàu-liām, 怨chheh, 不滿, m7甘願…… chiah-ê ko-tîⁿ 1世人ê矛盾情緒.
「狗去豬來」是台灣人形容連續被日本及中國國民黨統治時常常掛在嘴邊的，《台灣人生》這部日本人拍給日本人看的記錄片，從老一輩台灣人受訪者的話語中，我們深深感受到這句話背後所隱含的懷念、哀怨、不滿、不甘願……等等交纏一輩子的矛盾情緒。
記錄片內底ê受訪者, 對日本時代lóng不止á siàu-liām, tak8 ê to用liàn-tńg ê日語講出少年時chiâⁿ做日本人ê光榮, kap支那人來了後產生ê衝突. 1 ê tī太平洋戰爭ê時自願做兵ê ou-jí-sáng, 大聲怪罪日本政府pàng-sak台灣人, koh是tàn hōu戰爭時ê敵國中國. 1 ê讀第一高女ê ou-bá-sáng講ka-tī若是cha-pou--ê, 的確去做自願兵, 替國家(日本國)去sio戰, mā贊成日本首相ài去參拜靖國神社. Koh 1 ê Paiwan出身ê ou-jí-sáng, 強調日本教育內底有是非觀念, m7-koh i soah是國民黨時代頭1 ê做立委ê原住民.
記錄片中的受訪者對日本時代都相當懷念，每一位都用流利的日語回憶起年輕時身為日本人的驕傲，以及支那人來台後所產生的衝突。一位在太平洋戰爭時期當自願兵的歐吉桑，大聲控訴日本政府拋棄台灣人，而且還丟給戰爭時的敵國中國。一位讀第一高女的歐媽桑說自己若是男的，一定自願從軍替國家(日本國)打仗，也贊成日本首相參拜靖國神社。還有一位排灣族出身的歐吉桑，強調日本教育裡有是非觀念，然而他卻是國民黨時代第一位當立委的原住民。
Lán當然ē-tàng理解台灣老1輩對日本ê感情, 相對中國國民黨走路來佔ê樣相, 有法治koh hōu台灣進入現代化社會ê日本時代, 免講mā hōu經歷228 kap白色恐怖ê台灣人siàu-liām. M7-koh ùi chit齣lán mā thang看出台灣深koh重ê奴性, 全世界無1 ê民族ē siàu-liām hōu人殖民ê日子, koh感覺做殖民者ê國民是chiok光榮--ê. 全世界mā無1 ê民族ē sa無ka-tī到底是siáⁿ-mih人, kan-taⁿ台灣人ē迷失tī日本人iah中國人ê身分認同--nih. 老1輩ê台灣人無kā ùi日本教育hia oh8--tioh8 ê是非觀念留hōu kiáⁿ孫, mā無kā hōu中國國民黨統治ê歷史仇恨傳hōu後代, lán看--tioh8 oh8--tioh8 ê是繼續接受中華民國ê統治, kā中華民國當做是台灣, 台灣tō是中華民國, jú來jú póe bē清, thiah bē lī. 全世界各民族為tioh8傳承民族ê歷史, 語言, 文化, lóng是老母教kiáⁿ, 大學生教中學生, 中學生教小學生, 用家庭教育對抗殖民者ê高壓統治, 1代1代傳--落-去. Ah台灣--leh? Lán教--ê是「gín-á人有hīⁿ無chhùi」,「政治m7-thang chhap」.
我們當然可以理解台灣老一輩對日本的感情，相對中國國民黨走路來台佔領的樣相，有法治而且讓台灣進入現代化社會的日本時代，當然會讓經歷過228與 白色恐怖的台灣人懷念。不過從這部影片中我們也可以看出台灣又深又重的奴性，全世界沒有一個民族會懷念被人殖民的日子，還以做為殖民者臣民為榮。全世界也沒有一個民族會搞不清楚自己到底是誰，只有台灣人會迷失在身為日本人或中國人的身分認同裡。老一輩的台灣人沒有把從日本教育中學到的是非觀念留給子孫，也 沒有把被中國國民黨統治的歷史仇恨傳給後代，我們看到學到的是繼續接受中華民國的統治，將中華民國當做是台灣，台灣就是中華民國，兩者愈來愈形影不離。全世界各民族為了傳承民族的歷史、語言、文化，都是母親教小孩，大學生教中學生，中學生教小學生，用家庭教育對抗殖民者的高壓統治，一代一代傳承下去。而台 灣呢？我們教的是「小孩子有耳無嘴」、「政治不可碰」。
Góa tiāⁿ-tiāⁿ ē想tioh8楊碧川tī《台灣的智慧》內底寫--ê:「台灣人講日本人是狗, 阿山á是豬á, soah m7-bat問過ka-tī: 是án-chóaⁿ人ē hōu豬狗統治.」Lán beh ài siáⁿ-mih款ê台灣人生? Che的確tioh8-ài問lán ka-tī.
我常常想起楊碧川在《台灣的智慧》中寫的：「台灣人把日本人比為狗，阿山仔比為豬仔，卻未曾捫心自問：何以人被豬狗統治。」我們要過什麼樣的台灣人生？這問題只能問自己。[延伸閱讀]
《台灣人生》──對日本的愛與恨令人心痛台灣人，生之矛盾：關於記錄映画「台灣人生」
