Phah-piàⁿ

Lí
Bô ōe bô kù
Góa
Iōng chóa-pit kì-lok8 lí ê hêng-iáⁿ
Bô-chhái ê chheng-chhun
Sī ou-hûn tah-bū ê hō-jiah
Ūi-tioh8 seng-chûn phah-piàⁿ
Sî-kan khek tī lí thâu-khak-hiah8-á
Oan-na ū lâng hiah-nī hó-miā
Bián chò tō ū thang chiah8
Òan-thàn bô-khah-choah8
Beh án-chóaⁿ hóan-khòng chit-khóan ūn-miā
Hiān-sit8 ap-lek8 chiah-nī tōa
Lí m7-chai beh án-chóaⁿ
Chò kah khiau-ku io-chiah-kut thiàⁿ
Iáu-sī ng3-bāng ū hó ê seng-oah8
Phah-piàⁿ iáu-sī ū-khah-choah8
Chóng--sī khòaⁿ ē tioh8 jit8-thâu tō tī thang-á gōa