A-mô͘ Tāu-hoe: Amou情書1007

2008-10-07

Amou情書1007

Amôu,

Cha-hng àm beh óa 12 tiám ê sî, chiàu kóng sī èng-kai ài chún-pī khùn--a, m7-koh kin-á-jit8 ê khang-khòe bô chìn-tōu, siūⁿ kóng khai chit8-kóa sî-kan ke-kiám chò--kóa.

Lí m7-sī í-keng teh khùn--a? Nah ē koh cheng-sîn cháu--lâi?

Tng chún-pī kàu-tùi ê sî, lí tī piⁿ--á kiò kah chiah-nī sai-nai, koh ài-khùn-bīn ài-khùn-bīn, bak8-chiu kiōng-beh peh bē khui--a...

Góa chai-iáⁿ lí bòai góa hiah òaⁿ khùn, m7-koh khang-khòe bē-sái it-tit8 án-ne pàng--leh-a.

Góa kiò lí seng khùn, lí bòai, kè-siok8 nai-nai-kiò, lí chai-iáⁿ góa bô hoat-tōu hóan-khòng lí ê sai-nai.

M7-kam bô chhap--lí, kā lí phō khí-lâi kha-thúi téng-kôan, ná haiⁿ-koa ná kā lí so, phiàn lí khùn.

Thiaⁿ lí bóan-chiok ê hu-lu hu-lu siaⁿ, khòaⁿ lí kam-gōan ê piáu-chêng, góa chai-iáⁿ góa eng-àm bô châi-tiāu chò tāi-chì--a.

Kha bâ--khì, kou-put-jī-chiong kā lí phō khí bîn-chhng5-téng, soah kā lí chhá cheng-sîn...

Koai~ Góa pôe lí khùn, lán tàu-tīn khùn.

沒有留言:

張貼留言

A-mô͘ Tāu-hoe

2008-10-07

Amou情書1007

沒有留言:

Hō-jiah

Thoah-á

Miau~

Loading...

Chhù-piⁿ-tau

Têng-á-kha