A-mô͘ Tāu-hoe: 不合法—不合誰的法？

無合法─無ha̍h siáng ê 法?

4 月 27 去台大校園參加都市原住民影展座談會. Ùi 國民黨 koh 重新 sa-tio̍h 執政權了後, thiah 都市原住民部落 ê 事件 tō sio 連續發生, 溪州部落, 三鶯部落, Saowac, 崁津部落, chit kúi ê Pangcah tī kúi-nā 10 冬前來到有工作機會 ê 都市討 thàn, tī 溪邊起造 ê 部落, 權力者為 tio̍h beh 開 kha 踏車道, 為 tio̍h 建商新起 ê 大樓窗 á 外看--出-去 ê 光景, 1句「無合法」──無 ha̍h 壓迫者訂 ê 法, tō beh thiah-thiah hiat-ka̍k.

4月27日去台大校園參加都市原住民影展座談會。自從國民黨重新取得執政權之後，拆遷都市原住民部落的事件便相繼發生，溪州部落、三鶯部落、撒烏瓦知部落、崁津部落，這幾個阿美族於幾十年前出外打拚而在河岸形成的部落，權力者為了開設自行車步道，為了建商新蓋大樓的窗外景致，一句「不合法」──不合壓迫者訂的法，便計畫拆除。

馬英九 hit 句『我把你們當“人”看』, 講破統治者 ê 殖民心態, 對權力者來講, chiah-ê「gōng 番」無利用價值--a, tō ná 像 60 年代加工區 ê 女工, 勞動力 hông 剝削去促成工業發展, m̄-koh 台灣經濟穩定了後, chiah-ê 人 tō hông that 去邊--á 喘, 弱勢 iû-gôan 是弱勢.

馬英九那句「我把你們當“人”看」，顯露出統治者的殖民心態，對權力者來講，這些「憨番」沒有利用價值了，就像是60年代的加工區女工，勞動力被剝削去促成工業發展，等到台灣經濟穩定之後，這些人就被踢到一旁，弱勢仍然是弱勢。

Chit 工座談 ê 主題是 Saowac, Saowac ê 人年歲 lóng khah 大, mā 是 chit ê 緣故, in kap 原鄉 ê 感情牽 bán 不止 á 深, 形成 kap 原鄉 kāng 款 ê Saowac 部落文化. 接 tio̍h 桃園縣政府 beh thiah 部落 ê 消息了後, in tī 今年 2 月 19 去行政院抗議, 原民會副主委答應 ē kap 縣政府協調先慢 chhiáⁿ thiah, 結果隔 tńg 工 chái-khí 11 點, 桃園縣政府 tō sûi 來 thiah--a!

這天座談的主題是撒烏瓦知部落，撒烏瓦知部落的人年紀較大，因為這樣，他們對原鄉的感情非常深厚，也因此形成跟原鄉相同的部落文化。得知桃園縣政府即將拆除部落的消息之後，他們在今年2月19日去行政院抗議，原民會副主委答應會跟縣政府協調暫緩拆除，結果隔天早上11點，桃園縣政府馬上拆毀了部落！

主講者 Ari 講 ka-tī sui-bóng chēng 細 hàn tō tī 部落大 hàn--ê, m̄-koh lóng 接受社會主流價值觀, i ka-tī 看部落 mā 是負面--ê, 一直到入去原住民電視台, teh jiok chit kúi ê 都市原住民部落 ê 新聞, chiah ta̍uh-ta̍uh-á 有意識 ê 啟蒙. I chiok 憤慨講:『一個法律就能讓人無家可歸嗎? 難道法律不是為人民服務的? 怎麼可以用法律這麼粗暴地欺壓人民?』 I jiok chiah-ê 新聞, mā 不時有主管 kā 7「關心」. 另外 1 ê 主講者 Along 講, 電視台 ê 同事看 tio̍h i 採訪 ê 新聞, soah kā i 講部落 hit-kóa 老人是『暴民』!

主講者Ari說自己雖然自小在部落長大，可是由於接受社會主流價值觀的教育影響，自己看待部落也是負面的，一直到進了原住民電視台，在追蹤這幾個都市原住民部落的新聞中，才逐漸有意識的啟蒙。她很憤慨地說：「一個法律就能讓人無家可歸嗎？難道法律不是為人民服務的？怎麼可以用法律這麼粗暴地欺壓人民？」她追蹤這些新聞，也不時受到主管的「關心」。另一個主講者Along說，電視台的同事看到他採訪的新聞後，卻跟他說部落那些老人是「暴民」！

無論 lí the̍h 出 jōa chē「憲法」保障 ê 基本權利 iah 是「原住民族基本法」, 無論 lí 訴求 siáⁿ-mih 款合理 ê 對待, iah 是抗議權力者 jōa-nī-á 無合理 ê 處理方式, 厝 iáu 是 ngē hông thiah--去. 統治者 ê 法律是 teh 管理被統治者用--ê, 敢挑戰統治者 ê 權威, lí tō 是『暴民』, che tō 是 21 世紀 ê 台灣現狀. Lí beh 接受 iah 是 kā 改變? Beh án-chóaⁿ 改變? 都市原住民部落 chit 10-20 冬來一再hông thiah ê 歷史經驗, lán o̍h tio̍h siáⁿ?

無論你搬出多少「憲法」保障的基本權利還是「原住民族基本法」，不管你訴求什麼樣的合理對待，還是抗議權力者多麼不合理的處理方式，家園還是硬生生被拆掉了。統治者的法律是管理被統治者用的，膽敢挑戰統治者的權威，你就是「暴民」，這就是21世紀的台灣現狀。你要接受還是要改變它？要怎麼改變？都市原住民部落這一、二十年來一再被拆除的歷史經驗，我們從中學到多少教訓？

部落 ê 問題 m̄ 是 ǹg 望有 1 工權力者 ē-sái 良心發現, mā m̄ 是 o͘-ián 支援人數 ê chē-chió, 是 Along 點--tio̍h ê 問題:『外界支援的人會不會做太多?』Tī chit-kóa 事件內底, 部落 ka-tī ê 主體性 kap 自主力量建立 jōa chē, 成長jōa chē?

部落的問題不是期望有一天權力者良心發現，也不是號召的支援人數多寡，是Along點出的問題：「外界支援的人會不會做太多？」在這些事件中，部落自己的主體性跟自主力量建立多少，成長多少？

A-mô͘ Tāu-hoe

2009-05-01

不合法—不合誰的法？

沒有留言:

Hō-jiah

Thoah-á

Miau~

Loading...

Chhù-piⁿ-tau

Têng-á-kha