A-mô͘ Tāu-hoe: 梳毛時間ê齣頭

2009-04-19

梳毛時間ê齣頭

Tak8 kang loah8-mng5 sî-kan nā kàu,
tō-sī Amôu siōng m7 kam-gōan ê sî-kan,
mā-sī góa siōng thiám ê sî-chūn.
Án-chóaⁿ kóng leh?
Kiàn-pái beh kā i loah8-mng5,
i to ná-chhiūⁿ beh hông koah-bah--leh, it-tit8 siám,
góa lóng tioh8 tòe tī i aū-piah it-tit8 jiok,
i nā siám bô lōu--a, tō kui-khì tó tī thôu-kha,
chit-chūn nā koh kè-siok8 kā loah8-mng5,
i tō ē kā lí kā.
Houh... kā lí hok8-bū koh ài hōu lí kā,
che sī siáⁿ-mih chêng-hêng?
Ū tang-sî-á i hōu góa jiok kah cháu bô lōu,
tō ē nng3 jip8-khì chheh-tû-á ê sok-ka-pòu lāi-té,
eh... kám kóng án-ne lí tō bih ū lōu?
Kú--lâi Tāuhoe khòaⁿ Amôu án-ne,
mā ū iūⁿ khòaⁿ iūⁿ,
chit-má lóng bô thang tiām-tiām-á hōu góa loah8-mng5--a,
oh8 Amôu it-tit8 cháu, mā ē bih tī sok-ka-pòu lāi-té,
ū-iáⁿ sī hó--ê m7 oh8, chhòan oh8 kóa bái--ê.

沒有留言:

張貼留言

A-mô͘ Tāu-hoe

2009-04-19

梳毛時間ê齣頭

沒有留言:

Hō-jiah

Thoah-á

Miau~

Loading...

Chhù-piⁿ-tau

Têng-á-kha