A-mô͘ Tāu-hoe: 淡水新故鄉

Eng暗, chia̍h飯飽的確tio̍h出去散步助消化, 有tang時á順捷運鐵枝路邊ê kha踏車道行, 有tang時á kui-khì沿中正東路大路邊行ǹg淡水. Eng暗ê觀音山無看leh日時chha̍k目ê墓á埔, kan-taⁿ 1 pha 1 pha ê電火teh khiā衛兵. 淡水河照常khoaⁿ-khoaⁿ-á流, ta̍k口灶ê lah-sap水順溪á kap涵管排入淡水河, 臭水味1 chūn 1 chūn湧--來, 白鴒鷥kap暗光鳥chi̍t-ē飛--來chi̍t-ē koh飛--去. Che tō是góa ê淡水新故鄉.

晚飯過後總是習慣出門散散步幫助消化，有時順著捷運軌道旁的自行車步道漫步，有時則沿著中正東路大路邊往淡水走去。夜晚的觀音山不見白天刺眼的墓園，只有一盞盞的燈火佇立著。淡水河一如過往緩緩地飄流，家庭廢水經小溪、涵管排進淡水河，臭水味一陣陣襲來，白鷺鷥與夜鷺一會兒飛來一會兒又飛去。這就是我的淡水新故鄉。

M̄知是為tio̍h beh迎接新chiaⁿ年頭iah是beh消化預算, ta̍k年ê新曆年底sì-kè lóng看ē tio̍h大小工程, 重鋪táⁿ-má膠kap新栽草á花是siōng sù-siông看--tio̍h-ê, 是講táⁿ-má膠無論án-chóaⁿ鋪, 路iáu是khih-khih-khiah-khiah bē平, 擋無kúi月日ê草á花不時tio̍h外包hō͘廠商重種. Ah koh紅樹林到淡水chit段kha踏車道, 雙pêng邊本底是樹á草á, tī hia無論行路iah khiâ車, lóng hō͘人感覺清爽空氣好, taⁿ, 有bē-chió所在soah hông chhò平ó͘孔, chhāi 1支1支無標示作用ê柴kho͘. 另外, tī入去到淡水市區ê路邊, chiàⁿ手pêng本底有kui片soan藤kah真súi ê壁, hiah-ê soan藤植物soah mā hông chhò掉, 換做1 kha 1 kha ê草á花排做「健康城市2010」ê字形.

不知是為了迎接新年要除舊佈新還是要消化預算，每年新曆年底到處都可以看見大小工程進行著，重鋪柏油路以及種植花草是最常見的，然而柏油再怎麼鋪路還是不平，而那些花草總是過沒幾個月就又外包給廠商重種。再者，紅樹林到淡水這段自行車步道，原本兩旁是生長茂盛的樹木花草，讓人不論走路或騎車都感覺清爽空氣好，現在卻有不少地方被砍伐挖孔，植入一根根無標示作用的木樁。此外，在進到淡水市區的右邊路旁，原是一整面滿是爬藤類植物的綠坡壁，卻也被替換成排著「健康城市2010」字樣的小盆栽。

原本自然蔓生的草埔，每在新年前夕總會被改植成色彩繽紛的小花。

這些紅花平均壽命大概是三個月，有些較短命的已被移除，露出光禿禿的地表，只能等待具強韌生命力的野草趕緊冒出頭來。

有些地方則被植入木樁。

或者是告示牌/宣導牌。

更多的木樁其實沒有標示作用，不知有何用途？

真的看不出來這六根放在這裡要幹嘛？

像這樣保留較為自然的風貌，不好嗎？

不需要太多人工干預，光有綠樹青草，這條自行車步道就可以很美了。

「健康城市」？光是用小盤栽取代自然的爬藤植物，就既不健康也不環保，又浪費人民的納稅錢了。

另一旁沒有慘遭毒手的自然綠牆。

用人工設施替代自然生thòaⁿ ê景緻, chiah不時khai lán ê稅金chîⁿ teh「建設」, 維修, che tō是維護走路政權烏金政治ê利益分贓結構, 偷工減料iah是工程弊端免講mā直直發生.

以人工設施替代自然生成的景觀，再經常花費人民的納稅錢「建設」、維修，這就是維護走路政權黑金政治的利益分贓結構，偷工減料或是工程弊端當然一再發生。

Cha-hng暗koh行tī中正東路邊ê時chūn, tī kap竿蓁一街sio交叉ê路口tng teh進行下水道工程, 大台工程車chhah tī邊--á, kā本底ê 2車道ngē佔去1車道, 無人指揮交通, 過路人kan-taⁿ ē-tàng夾tī大工程車kap經過ê車輛中ng, 用肉身保庇ka-tī趕緊平安通過. 想起tī日本ê經驗, kāng款ê道路工程, 人是用『圓錐路障』隔出1 chōa路hō͘過路人thang行, koh派人tī邊--á指揮交通, hō͘過路人kap車輛lóng thang好平安順sī通過. Tī日本, 感受--tio̍h-ê是chiâⁿ做1 ê人ê尊嚴kap基本尊重, m̄-koh lán tī ka-tī ê土地, soah是m̄-chiâⁿ人ê對待.

昨暗再次走在中正東路邊時，在與竿蓁一街交叉的路口正在進行污水下水道工程，大工程車硬是將原本的兩車道佔去一車道，無人指揮交通，過路人只能夾在大工程車以及經過的車輛中間，用肉身保佑自己趕緊平安通過。想起在日本的經驗，同樣的道路工程，人家是用圓錐路障隔出一條可供行人來往的空間，更派人在旁指揮交通，讓行人與車輛都能平安順利通過。在日本，感受到的是做為人的尊嚴與基本尊重，然而我們在自己的土地上，卻是一如流浪狗般的非人對待。