Ùi kin-á-jit8 khai-sí

Góa bòai koh án-ne--a! Ùi kin-á-jit8 khai-sí, góa beh têng-sin chò lâng!

Tak8 goeh8-jit8 piān-nā kàu pian TS ê sî-chūn, tō ē khai-sí peh-pak, bē chiah8 bē khùn…(oh…sī bē--lah, iáu bô kàu hit khóan thêng-tōu), chóng kóng 1 kù tō-sī, kiàn-pái lóng sī sái chiⁿ kha-chhng--a chiah beh pàng.

Tak8-pái lóng sī kàu beh pian--a chiah khai-sí chek bûn-chiuⁿ, lîm-sî-lîm-iāu ài seⁿ 1 phiⁿ bûn-chiuⁿ chhut--lâi, sit8-chāi sī chiok kan-khóu ê tāi-chì.

Tak8-pái lóng kā ka-tī kóng āu 1 kî ê bûn-chiuⁿ tioh8 seng chhôan--khí-lâi. Thâu 1 ê hioh-khùn-jit8, siūⁿ kóng chit kî tú pian hó--niâ, chit lé-pài seng hioh-chhóan--1-ê. Tē 2 ê lé-pài, siūⁿ kóng hôaiⁿ-tit8 lī āu 1 kî koh hiah kú--leh, beh siá siáⁿ chiah tauh8-tauh8-á siūⁿ tō hó. Koh lâi tē 3 ê lé-pài, tē 4 ê lé-pài, sî-kan tō án-ne kòe--khì-a, koh kàu kah beh pian TS ê sî-chūn--a, m7-koh kàu taⁿ, pòaⁿ phiⁿ bun-chiuⁿ mā bô seⁿ--chhut-lâi. Tak8-pái lóng sī hóe sio kha-chhng--a chiah teh kek thâu-khak.

M7-koh chit-pái, góa koat-tēng beh kái-thâu-ōaⁿ-bīn, têng-sin chò lâng! Bòai koh hōu chit khóan tāi-chì hoat-seng--a, bô, ē sí lâng neh…