Chēng sè-hàn, góa khòaⁿ chheh ê sok-tōu tō chiok bān, liân bàng-kah sió-soat mā kāng-khóan, lâng hōan-sè khòaⁿ 1 pún--khì-a, góa chiah khòaⁿ pòaⁿ pòaⁿ niâ.
Chit 2 tang, Chhoan-peh--a it-tit8 ū theh8 chheh hōu góan, kiò góan ài koh khai-sí thak8 chheh. Koh-khah chìn-chêng, i kóng góan bô su-iàu thak8 hiah chē, sit8-chiàn khah tiōng-iàu, tī gōa-kháu chhia-poah8-péng 1 ê khám-chām liáu-āu, chiah koh tńg-lâi thak8 chheh.
Chheh it-tit8 lâi, m7-koh góa soah siau-hòa put-liông, tāi-pōu-hūn tō choaⁿ-á khng3--leh iáu-bōe tín-tāng. Ū tang-sî-á khai-káng ê sî kóng--tioh8, i chiah chai-iáⁿ góan siáⁿ-mih koh iáu-bōe thak8, chit-chūn i ē kóng, “Bok8-kòai ū tâng-sî-á góa kóng--ê, lín ē tòe bē tioh8, ouh, gôan-lâi lín iáu-bōe thak8--tioh8.”
Choh--jit8 koh káng--tioh8, i kóng, “Thak8 chheh tō ná teh chiàn-cheng--leh.” Chhoan-peh--a khòaⁿ chheh ê sok-tōu put-chí-á kín, i kóng án-ne chiah ē-hù khip-siu chu-sìn, mā chiah ū thang ū hiah chē mih8-kiāⁿ kà--lán, hōu lâng khó bē tó. I 1 pún chheh 40 hun-cheng tō khan-chió--a, ah nā góa houⁿh, ài 40 tiám-cheng.
Seng sàu--kòe (快速瀏覽), ū ìn-sióng liáu-āu, koh lâi nā ài iōng--tioh8 chiah lâi siông-sè thak8. Che sī i pò ê phiat-pōu, mā-sī i kúi-nā 10 tang liān--chhut-lâi ê kong-lek8.
沒有留言:
張貼留言