A-mô͘ Tāu-hoe: 1月日記

2008-01-31

1月日記

Éng-kòe kiaⁿ Amôu kap Tāuhoe iau--tioh8, in piān-nā thó-chiah8, tō loh8-nńg hōu in chiah8, koh lâi nā khì pēⁿ-īⁿ, i-seng lóng ē hoah kóng nah ē ke chiah tāng, Tāuhoe mā khak-sit8 chiah8 kah "the-tōu"--a. Ká-ná sī ùi 11--goeh8 khai-sí, koat-sim beh khòng-chè in ê thé-tāng, tak8-kang kòu-tēng hōu in chiah8 3 tng3 (kî-sit8 lóng-chóng mā chiah 3 thng-sî-á ê liōng niâ). Kàu taⁿ, 2 chiah phō--khí-lâi ū-iáⁿ ke chiok khin--ê, Tāuhoe ê pak-tóu mā siau--loh8-khì-a.

Kôaⁿ--lâng kàu--a, 2 chiah chit-má lóng chiok ài khut tī góan seng-khu-téng, tek8-piat8 sī góan teh iōng tiān-náu ê sî, lóng sio-cheⁿ thiàu khí-lâi góan ê khùn tī góan ê tōa-thúi, nā tú-hó 2 chiah lóng lâi, houh.... oan-na chiok tāng--ê neh! Chiâⁿ kín kha tō ē bâ--khi, m7-koh khòaⁿ in khùn kah chiah sù-sī, soah pháiⁿ-sè sóa tín-tāng.

Chú-ki téng-kôan sio-sio, Tāuhoe mā chiâⁿ kah-ì khut tī chia, m7-koh tong-jiân kap góan ê tōa-thúi bē-pí--chit.

M7-chai sī iam liáu iah-sī kôaⁿ--lâng ê koan-he, chit-má lóng ōaⁿ Amôu teh thó-chiah8, siūⁿ--tioh8 tō chē tī toh-téng teh kiò (chit-tè toh-á sī in ê "chiah8-png7-toh").