A-mô͘ Tāu-hoe

2009-04-24

昨天去看洪淳修的《河口人》

Cha-hng kap同事去看洪淳修e紀錄片《河口人》

I 講ka-ti khah早toa ti信義區hia
細漢e時long ma看火車駛入去兵工廠
mkoh soah無chit部分e影像紀錄
eng-chun e歷史be-su to an-ne無--去-a
所以i chhim頭a phah紀錄片e動機kan-taN是beh替關渡平原留下田園牧歌式的紀錄
mkoh ti kap在地e互動過程
當然ma e調整拍片主軸
M-chiah lan看tioh河口人對政府整治淡水河e批判

座談e時洪--e有批判台北市政府大力宣傳河岸景觀/週邊設施/活化淡水河kap腳踏車瘋e操作
i 講che kap淡水河水質變好是無kang款e tai-chi
Chang ma有1 e反淡北聯盟e人去
i 有邀請洪--e ma去紀錄反淡北
洪--e講訴求紅樹林chiah-e河岸景觀訴求e phah be開
i ma發現在地反淡北e力量無出--來
i ka hit-e黃小姐建議ai針對切身利益去phah
tak-e chiah e跳--起-來
聽--起-來 i 應該是無認同反淡北e操作
i 講崔素欣ma bat kap i 講過chit項tai-chi
mkoh i chiaN做 1 e影像工作者, i e角色kan-taN是做紀錄, ah若行動, i 心有餘力不足

Chit句話 li beh做正面解讀iah負面解讀 long e-sai
當然環保團體e操作變做是chhoe出名iah是有媒體曝光效果e人來「代言」
另外1方面
洪--e ti《城市農民曆》kap《河口人》2支紀錄片chheng--起-來了後關注環保議題
（1大堆影片放映及座談邀約）
che to是 li 影像行動e 1部分--a
mkoh對 1 e地方反對運動提出e邀請soah是anne回應實在是無妥當
kam是teh替ka-ti留後路, thang進退有據?!

2009-04-19

sainai

Góa teh khòaⁿ-chheh,
Amôu soah sô lâi góa tōa-thúi khùn,
ū-kàu sai-nai--bô?

貓薄荷眠床

Kin-á-jit8 Tāuhoe kèng-jiân kâng khùn tī Amôu siōng ài chiah8 ê 貓薄荷 téng-kôan, koh kâng tè kah kúi-nā ki lóng tng7--khì, m7-koh khòaⁿ i khùn kah chiah sóng, sit8-chāi m7-kam kā phōu--khí-lâi.

Tāuhoe ka-tī bē-ài chiah8 貓薄荷, kan-taⁿ beh chiah8 貓草,
góan chit-má koh têng chèng kúi-nā kha chháu-á,
koh tán--1-khùn chháu-á khah tōa-châng liáu-āu,
i tō ū siōng chhiⁿ ê chháu-á thang chiah8--a.

嘔吐

Ká-ná sī 3--goeh8 khai-sí,
Amôu Tāuhoe chhiâng-chāi teh làu-sái,
gôan-in sī in lóng ē khì hiau pùn-sò-tháng,
ou-peh8-chiah8 e kiat-kó tō-sī làu-sái koh thòu.

Tī lōu-tâi in khòaⁿ chiáu-á tuh-ku ê sóu-chāi,
chìn-chêng ê chóa-siuⁿ-á ak tioh8 hōu liáu-āu àu--khì,
chit-má ōaⁿ 1 te1 pang-á ah.

2009/4/9 Amôu thòu--chhut-lâi ê mih8-kiāⁿ,
gôan-lâi sī phàu-mī ê 油料包 sok-ka tē-á!

燒罐

M7-chai ùi tī-sî khai-sí, Tāuhoe lóng ē chē tī sio-koàn téng-kôan,
ū tang-sî-á sī kui seng-khu kiu chò 1 ôan phak tī hia.
Góa siūⁿ èng-kai sī chìn-chêng khah kôan ê sî,
i bû-ì-tiong hoat-hiān sio-kòan khah un-lóan,
koh lâi tō tiāⁿ ē chē/khut tī chia.

梳毛時間ê齣頭

Tak8 kang loah8-mng5 sî-kan nā kàu,
tō-sī Amôu siōng m7 kam-gōan ê sî-kan,
mā-sī góa siōng thiám ê sî-chūn.
Án-chóaⁿ kóng leh?
Kiàn-pái beh kā i loah8-mng5,
i to ná-chhiūⁿ beh hông koah-bah--leh, it-tit8 siám,
góa lóng tioh8 tòe tī i aū-piah it-tit8 jiok,
i nā siám bô lōu--a, tō kui-khì tó tī thôu-kha,
chit-chūn nā koh kè-siok8 kā loah8-mng5,
i tō ē kā lí kā.
Houh... kā lí hok8-bū koh ài hōu lí kā,
che sī siáⁿ-mih chêng-hêng?
Ū tang-sî-á i hōu góa jiok kah cháu bô lōu,
tō ē nng3 jip8-khì chheh-tû-á ê sok-ka-pòu lāi-té,
eh... kám kóng án-ne lí tō bih ū lōu?
Kú--lâi Tāuhoe khòaⁿ Amôu án-ne,
mā ū iūⁿ khòaⁿ iūⁿ,
chit-má lóng bô thang tiām-tiām-á hōu góa loah8-mng5--a,
oh8 Amôu it-tit8 cháu, mā ē bih tī sok-ka-pòu lāi-té,
ū-iáⁿ sī hó--ê m7 oh8, chhòan oh8 kóa bái--ê.

2009-04-06

TGB通訊第115期出刊

http://taioanchouhap.myweb.hinet.net/

關係CECA/ECF / Phekian
行tui3人民去 / Tekhoa
恭喜ah ! 中產階級 / Phekian
蘭嶼記情 (10) / Bunnga
看電影——Waltz with Bashir / Toathaulian

關係CECA/ECFA
Phek-ian

Chit-cham-a siong jiat e話題, 除去馬英九kap巧克力e DVD, 大概to是CECA/ECFA chit項tai-chi--a.

這陣子的熱門話題除了馬英九、巧克力的慾慾光碟之外，大概就是CECA/ECFA了。

頭前hit項無DVD無真相, lan chiah-e無相關e人無siann-mih thang討論--e. M-koh當事者心內恐驚無法度平靜, kui-na冬來e風聲kiong-beh變做e-tang確定e狀態, goa想chiann做cha-bou人, 衝擊應該long真大chiah tioh.

前者沒光碟沒真相，我等不相干人士沒甚麼好討論的。只不過關係人恐怕不太平靜吧，畢竟多年來若有似無的懷疑轉變成幾乎可以肯定的狀態下，我想只要是個女人，衝擊應該都很大吧。

(more)

A-mô͘ Tāu-hoe

2009-04-24

昨天去看洪淳修的《河口人》

2009-04-19

sainai

貓薄荷眠床

嘔吐

燒罐

梳毛時間ê齣頭

2009-04-06

TGB通訊第115期出刊

Hō-jiah

Thoah-á

Miau~

Loading...

Chhù-piⁿ-tau

Têng-á-kha