http://taioanchouhap.myweb.hinet.net/
中國國民黨tī台灣到taⁿ iáu有hiah大ê社會支持, 問題m̄是tī國民黨jōa可惡, m̄是國民黨m̄認同台灣, mā m̄是台灣人無夠覺醒, siōng基本--ê是台灣社會無形成反中華民國體制(反國民黨)統治ê價值體系, mā無產生ài ka-tī擔負責任ê意識. 歷史過程無châi-tiāu 1步tō beh hāⁿ--過, 終其尾lán iáu是tio̍h倒tńg來到原點: lán tio̍h-ài ùi思想運動重頭來pháng社會力, 無拒絕kap否定統治體制ê權威hām規範, lán tō hāⁿ bē出起造新社會ê kha步.
中國國民黨在台灣至今仍有那麼大的社會支持，問題不在國民黨多可惡，不在國民黨m不認同台灣，也不在台灣人不夠覺醒，最基本的是台灣社會沒有形成反中華民國體制(反國民黨)統治的價值體系，也沒有產生自己應擔負責任的意識。歷史過程無法跳過，我們終究必須回到原點：我們須從思想運動重頭來累積社會力，不拒絕、否定統治體制的權威和規範，我們就踏不出起造新社會的腳步。
[目錄]
思想運動 / Tek-hoa
年關臨工專案烏龍一籮筐 / A-ka
烏龍小傳(4) / A-goan
奧黛莉不要哭 / Bun-nga
2010-03-04
2010-02-05
Bye~ Doremi
2/2 Thiaⁿ Gîn--á kóng Doremi kòe-sin ê tāi-chì……
Lé-pài chhù--nih ê lâng sái-chhia khì Lâm-tâu chhit-thô, Ki--á, só--á, 2 ê gín-á, Hûn--á, Béng--á kap Doremi, eng-àm sńg--tńg-lâi tit-chiap chài Béng--á tńg Pēⁿ-īⁿ. Kàu kah pēⁿ-īⁿ ê thêng-chhia-tiûⁿ ê sî, Doremi chi̍t thiàu chhut-khì chhia-mn̂g, tō sûi hō͘ āu-piah sái--lâi ê chhia lòng--tio̍h, tong-tiûⁿ sí--khì. Béng--á sûi pàng siaⁿ tōa háu. Koh, Doremi beh thiàu--chhut-khì chìn-chêng, sī A-sng--á teh phō, tāi-chì hoat-seng liáu, A-sng--á ná khàu ná kóng m̄-sī i hāi--sí-ê. Thiaⁿ-kóng só--á pún-té beh the̍h tē-á té Doremi, Béng--á bô-ài, i kā Doremi phō tńg sok-siā sé seng-khu chéng-lí liáu-āu, chiah koh chhōa khì pēⁿ-īⁿ sio.
Thiaⁿ tio̍h chit ê siau-sit si̍t-chāi chiâⁿ kan-khó͘. Doremi sī Béng--á chhī ê káu-á, 黑色長毛臘腸, chiok kó͘-chui chiok koai--ê, góa iáu m̄-bat thiaⁿ-kòe i kiò--kòe. Béng--á chiâⁿ thiàⁿ--i, nā ū tńg chhù, lóng ē chhōa i tńg--lâi. A-sng--á chi̍t khòaⁿ--tio̍h, lóng mā phō-tiâu-tiâu. Taⁿ soah hiông-hiông tō lī-khui……
Ē-tàng thé-hòe Béng--á ê kan-khó͘ kap m̄-kam, góa siūⁿ, Doremi tī lēng-gōa 1 ê sè-kài, ū káu-á-phōaⁿ tāu-tīn sńg, ē chiâⁿ khòai-lo̍k!
2010-02-01
大意外！貓咪誤食洋蔥
Châng-mê chhôan 1 ê kin-á-ji̍t beh chah ê piān-tong, sī chhang-thâu chhá-pn̄g, koh ū chhang-thâu chhá sio-bah, 1 bóe hî-á, hiuⁿ-ko͘ chhá kú-chhài-hoe. Khǹg tī chàu-kha toh-téng beh khng ho͘ liâng chiah peng.
11 tiám hō͘ Amô͘ kap Tāuhoe chia̍h siau-iā liáu-āu tō khì sé seng-khu, seng-khu sé hó chhut--lâi soah bô khòaⁿ tio̍h 2 chiah ê iáⁿ, chit chūn chiah hiông-hiông khòaⁿ tio̍h chàu-kha ê bāng-á-mn̂g khui--khui, chiah tì-kak tio̍h 2 chiah koh cháu ji̍p-khì thau-chia̍h--a.
Kín chông--ji̍p-khì, Tāuhoe hōan-sè sī thiaⁿ tio̍h góa ê siaⁿ, chá tō làu-phâu--a, ah Amô͘ sī koh gōng-gōng chhāi tī toh-téng. Chi̍t-ē khòaⁿ, pòaⁿ ê piān-tong lóng hō͘ in chia̍h-chia̍h--khì-a, kan-taⁿ chhun pòaⁿ ê chhá-pn̄g kap kú-chhài-hoe hit hāng.
Ū 1 hāng tōa tāi-chì góa iáu bô tì-kak--tio̍h.
Kàu kah tiám gōa beh khùn ê sî, chiah hiông-hiông chhoah cheng-sîn: niau bē-sái chia̍h chhang-thâu! 貓不能吃洋蔥!
Ìn-sióng tiong niau nā chia̍h chhang-thâu sī ē chhut tōa tāi-chì--ê, kín chiūⁿ-bāng chhâ, chiah chai i ê giâm-tiōng-sèng.
2 chiah chit chūn tī thian teh khùn, góa chhu khì khòaⁿ--in, thiaⁿ in ê sim-thiàu, khòaⁿ--khí-lâi iáu hó-sè hó-sè, m̄-koh si̍t-chāi pàng bē lo̍h sim, hoan-hù Hôa kè-sio̍k kā chù-ì koan-chhat.
Chái-khí 6 tiám gōa cheng-sîn, khòaⁿ in 2 chiah í-keng chē tī bîn-chhn̂g thâu teh tán--góa-a, khòaⁿ--khí-lâi mā-sī koh chèng-siông chèng-siông, chhī in chia̍h chá-tǹg. Niau-soa ū 1 ôan sái, ioh sī Amô͘ pàng--ê, hêng kap sek khòaⁿ--khí-lâi mā bô koh-iūⁿ.
Chái-khí tī pān-kong-sek kè-sio̍k chiūⁿ-bāng chhâ niau nā chia̍h chhang-thâu ē án-chóaⁿ, jú khòaⁿ jú put-an, 11 tiám ê sî khà khì pēⁿ-īⁿ mn̄g, i-seng kóng ài koan-chhat in jiō ê sek, in-ūi chhâng-thâu lāi-té ū 1 chióng sêng-hun ē phò-hōai niau ê紅血球, jiō nā khah chhim-sek iah-sī chhut-hiān hoeh-jiō, tio̍h-ài kín sàng pēⁿ-īⁿ, in ē seng chù抗血液氧化ê siā.
Taⁿ kan-taⁿ ē-tàng kè-sio̍k koan-chhat--a, ǹg-bāng in bô tāi-chì……
2/2 pó͘ kì: châng-mâ hā-pan tńg kàu chhù, Hôa kóng 2 chiah bong--khí-lâi sio-sio, khòaⁿ in koh siān-siān (kî-si̍t sī chia̍h-pá teh khùn), kín beh chhōa in khì pēⁿ-īⁿ kiám-cha. Amô͘ chi̍t hoat-hiān beh koh lia̍h ji̍p-khì lâng-á, it-ti̍t liòng, koh siàm-jiō, jiō khòaⁿ--khí-lâi put-chí-á n̂g, khòaⁿ chi̍t-ē soah jú hôan-ló.
Khì kàu pēⁿ-īⁿ, i-seng kiám-cha liáu thé-un, sim-thiàu lóng chèng-siông, mā bô hoat-hiān ū口腔黏膜, i-seng kóng nā bē hòng-sim, ē-sái thiu-hoeh kiám-cha, nā-sī ū tiòng-to̍k, in ê紅血球ē piàn kē. Góan sûi koat-tēng kā in 2 chiah thiu-hoeh. Mn̄g i-seng niau chia̍h gōa chē chhang-thâu ē hoat-seng tiòng-to̍k? I-seng kóng nā í Amô͘ kap Tāuhoe ê thé-hêng, kiám-chhái sī pòaⁿ-liap ê gia̍h.
Tán 20 hun-cheng liáu-āu, i-seng the̍h pò-kò hō͘ góan khòaⁿ, kóng Amô͘ kap Tāuhoe ê kiám-cha kiat-kó lóng chèng-siông, ē-sái an-sim--a, ka-chài…
Tńg khì kàu chhù, 2 chiah sûi cháu khì bih. Thèng-hāu góan chia̍h-pn̄g-pá pàng in chhut--lâi liáu-āu, Tāuhoe tō koh o̍ah-thiàu-thiàu--a, tian-tò sī Amô͘ iû-gôan siān-siān, ta̍k pái khì pēⁿ-īⁿ tńg--lâi liáu-āu lóng ē sim-chêng bô hó.
2010-01-31
TGB通訊第125期出刊 2010/2
http://taioanchouhap.myweb.hinet.net/
有影是「歹年冬, kau siau人」, khui政府--e ju來ju tong-gong, 考慮--e na kan-taN目chiu前3尺e利益, 政策pian sak pian hong kiau. Kap khui政府khia對頭hiah-e有頭面--e, soah ma be-su teh piN-kau-lang hou人民群眾看, 3不5時to sa「新口號」出來iat, iat了後 1 tau koh sa 新--e出來lang. 結局--leh? 壓迫者kap優勢者猶原老神在在, ke層--e弱勢--e處境soah ju來ju bai. Lan kam iau m̄甘改變現狀, iah是iau kan-taN teh ng望1 pai koh 1 pai e選舉?
有影是「歹年冬, kau siau人」, khui政府--e ju來ju tong-gong, 考慮--e na kan-taN目chiu前3尺e利益, 政策pian sak pian hong kiau. Kap khui政府khia對頭hiah-e有頭面--e, soah ma be-su teh piN-kau-lang hou人民群眾看, 3不5時to sa「新口號」出來iat, iat了後 1 tau koh sa 新--e出來lang. 結局--leh? 壓迫者kap優勢者猶原老神在在, ke層--e弱勢--e處境soah ju來ju bai. Lan kam iau m̄甘改變現狀, iah是iau kan-taN teh ng望1 pai koh 1 pai e選舉?
有影是「歹年冬, 厚瘋人」, 開(khui)政府的愈來愈耍白癡，考慮的好像只有眼前3尺的利益，政策每推必被罵。和開政府站對頭那些有頭面的，卻也像在耍猴戲給人民群眾看, 不時推「新口號」出來, 用完下一次再換新的出來搖。結局呢？壓迫者和優勢者猶原老神在在，底層的弱勢的處境卻愈來愈糟。我們難道還不甘心改變現狀，或是仍只能寄望一次次的選舉?
[目錄]
體制內be革命 / Tek-hoa
失業者e目屎 / A-ka
年關臨工專案儼然成為特權予取予求的禁臠 / A-ka
烏龍小傳(3) / A-goan
上帝之火 / 林長昇
自製貓沙發
Tī bāng-lō͘ téng khòaⁿ tio̍h lâng teh DIY, koat-tēng mā thè chhù-lāi chit 2 chiah chò 1 ê, 1/23 chóng-sǹg ôan-sêng 1 ê.
http://www.nownews.com/2009/06/06/11507-2456306.htm
Thiaⁿ tông-sū kóng, gōa-kháu ê tiàm mā ū teh bē, m̄-koh put-chí-á kùi, ū ê koh tio̍h chiūⁿ chheng--ê, kiaⁿ--sí-lâng.
Pún-té khǹg tī tû-á téng (tô͘), in 2 chiah khòaⁿ-khòaⁿ phīⁿ-phīⁿ--leh liáu-āu tō tòng-chò bô chûn-chāi--a (sim-koaⁿ teh tih-hoeh... góa ê "ài-sim" neh...), it-ti̍t kàu kā poaⁿ loeh thô͘-kha khǹg, 2 chiah chóng-sǹg ū hóan-èng--a, chit-má siūⁿ--tio̍h tō ē kòe-khì hia chē-chē jiàu-jiàu--leh.
http://www.nownews.com/2009/06/06/11507-2456306.htm
Thiaⁿ tông-sū kóng, gōa-kháu ê tiàm mā ū teh bē, m̄-koh put-chí-á kùi, ū ê koh tio̍h chiūⁿ chheng--ê, kiaⁿ--sí-lâng.
Pún-té khǹg tī tû-á téng (tô͘), in 2 chiah khòaⁿ-khòaⁿ phīⁿ-phīⁿ--leh liáu-āu tō tòng-chò bô chûn-chāi--a (sim-koaⁿ teh tih-hoeh... góa ê "ài-sim" neh...), it-ti̍t kàu kā poaⁿ loeh thô͘-kha khǹg, 2 chiah chóng-sǹg ū hóan-èng--a, chit-má siūⁿ--tio̍h tō ē kòe-khì hia chē-chē jiàu-jiàu--leh.
訂閱：
文章 (Atom)